دەنگ نێت

 

وەزارەتی پەروەردەى حكومه‌تى هه‌رێم له‌كۆى 9 قوتابخانە ‌و باخچه‌ى ساوایان‌ و دانانى به‌ردى بناغه‌ى 7 ‌قوتابخانەی دیکە، هیچی بۆ سنوری ئیدارەی ‌گەرمیان تەرخان نەکردوە.

 

وه‌زاره‌تى په‌روه‌رده‌ له‌ راگه‌یه‌نراوێكدا، ئاشکرای کردوە: لەچەند هەفتەی داهاتودا ژمارەیەک باڵەخانەی نوێی پەروەردەیی دەکەونە بواری خزمەت ‌و بەردی بناغەی چەند پڕۆژەیەکی نوێش لەپارێزگاکانی هەرێمی کوردستان دادەنرێت، لەوانە: لە پارێزگای هەولێر چوار قوتابخانە و  یەک باخچەی منداڵانی نوێ تەواوبون و دو قوتابخانەی دیکەی لەکۆتاییەکانی قۆناغی کارکردنن و تەواو دەبن.

 

هەروەک دەشڵێت: لە پارێزگای سلێمانی یەک قوتابخانە و باخچەیەکی منداڵان تەواو بون و لە پارێزگای دهۆک بەردی بناغەی دو قوتابخانە دادەندرێت و لە پارێزگای هەڵەبجە بەردی بناغەی یەک قوتابخانە دادەندرێت. 

 

ئاماژەی بەوەشداوە لە پارێزگای هەولێر بەردی بناغەی حەوت قوتابخانەی نوێ دادەنرێت.

 

ئەمەش لەکاتێکدایە ئیدارەی گەرمیان کێشەیەکی زۆری لە نەبون و خراپی بینای قوتابخانە دا هەیە و بەوهۆیەوە ژمارەیەک قوتابخانە کراون بە سێ دەوامی.

 

هاوکات بەپێی راپۆرتێکی یەکەی چاودێری حکومەتی خۆجێی گەرمیان، 70 بینای سنورەکە پێویستیان بە نۆژەنکردنەوە هەیە و هەندێک لەوانە مەترسی روخانیان لێ دەکرێت.