دەنگ نێت

 

پاش سۆراغ نەمانی گەنجێک لە کەلار، لە ئێستادا ۲ کەس دەستگیرکراون و لەلێکۆڵینەوەدا دانیان بەوەدا ناوە کە کوشتویانە.

 

عەبدوڵڵا ساڵح جەمیل، دانیشتوی قەزای کەلارە، لە دوێنێوە بە ئۆتۆمبیلە پیکابەکەیەوە لەماڵ دەرچوە و نەگەڕاوەتەوە.

 

بەپێی زانیارییەکانی رادیۆی دەنگ کە لە دو سەرچاوەی ئەمنییەوە دەستیکەوتوە، گەنجەکە پێش بێ سۆراغ بونی، لەگەڵ ۲ هاوڕێیدا بوە، هەربۆیە لەلایەن هێزە ئەمنییەکانەوە ۲ هاوڕێکەی دەستگیرکراون کە یەکێکیان کارمەندی پێشوی هێزە ئەمنییەکانە.

 

ئاماژەیان بەوەشدا دو گەنجە دەستگیرکراوەکە لە لێکۆڵینەوەدا دانیان بەوەداناوە کە هەستاون بە کوشتنی گەنجەکە.

 

باسیان لەوەشکرد هێشتا شوێنی کوشتنی گەنجەکە و شاردنەوەی تەرمەکەی نەزانراوە و تەرمەکەیشی نەدۆزراوەتەوە، لەلایەن هێزەئەمنییەکانیشەوە لێکۆڵینەوە لە روداوەکە دەکرێت.