ده‌نگ نێت

 

بەوتەی سەرۆکی لیژنەی پیشەسازی و وزە لە ئەنجومەنی پارێزگای سلێمانی، حکومەت نەیتوانیوە چاودێری بەنزینخانەکان  بکات و بەنزینخانە نایاساییه‌كانیش هۆکارێکی دیکەی جێگیرنەبونی نرخی بەنزینن.

 

لە میانەی بەرنامەی "گفتوگۆی دەنگ"ـى رادیۆی ده‌نگ دا، سەرۆکی لیژنەی پیشەسازی و وزە لە ئەنجومەنی پارێزگای سلێمانی، کەریم عه‌لی، باسی لەوە کرد: بەنزینخانە نایاساییەکان کە تادێت ژمارەیان زیاد دەکات، هۆکارێکن بۆ بەرزبونەوەی نرخی بەنزین و حکومەت چاودێری نەکردون و تەنها کارێکی پوختی بازرگانییە.

 

وتیشی: لە ئیدارەی گەرمیان لە کۆی 70 بەنزینخانە کەمتر لە 20 بەنزینخانە یاساییە و ئەوانی دیکە نایاسایین.

 

له‌ راپۆرتێكى پێشوى یه‌كه‌ى چاودێریی حكومه‌تى خۆجێی گه‌رمیان، ئاماژه‌ به‌وه‌كراوه‌ لە ساڵی 2020 ژماره‌ى بانزینخانه‌ بێمۆڵه‌ت و "نایاساییه‌كان" له‌ گه‌رمیان 50 دانه‌ بوه‌، به‌ڵام به‌پێی زانیاریه‌كان ئێستا ژماره‌كه‌ بۆ 69 بەنزینخانە زیادی كردوه‌.