دەنگ نێت

 

ئەنجومەنی سەرتاسەری مامۆستایانی ناڕازی داوا دەکات: لە سبەینێ یەکشەمەوە مامۆستایان بایکۆتی دەوام بکەن.

 

لە راگەیەنراوێکی ئەنجومەنەکەدا ھاتوە: "ڕۆژ دوای ڕۆژ نرخی نەوت بەرزدەبێتەوە و داهاتی ناوخۆ و گومرگ و باج بەڕێژەیەکی زۆر زیادی کردووە و نرخی سەرجەم پێداویستیە بنەڕەتیەکانی ژیان بەرزبۆتەوە و  هیچ پاساوێک بۆ دابەشنەکردنی مووچە و ڕاگرتنی پلەبەرزکردنەوەی مامۆستایان و فەرمانبەران نەماوە".

 

لەبارەی قسەکانی ئەم دواییەی سەرۆکی حکومەتی ھەرێمەوە لەبارەی دۆخی دارایی ھەرێم، ئەنجومەنەکە دەڵێت: "سەرجەم قسەکانی سەرۆکی حکومەت ڕەتدەکەینەوە و پێمان وایە جگە لە پاساو هێناوەوە بۆ دزی و گەندەڵیێەکانیان هیچ شتێکی نوێی تیا نەبوو".

 

ئەنجومەنەکە داوا دەکات سەرجەم  مامۆستایان و فەرمانبەرانی دامودەزگاکان لە سبەینێ یەکشەممەوە بایکۆتی دەوام بکەن و دەوامی سەرجەم زانکۆ و قوتابخانە و فەرمانگەکان ڕابگرن. 

 

دەشڵێت: "بۆ مانگەکانی ئایندەش لەئەگەر نەدانی مووچە بەسێ ڕۆژ جارێک بایکۆتی دەوام و خوێندن بکرێت".