ده‌نگ نێت

 

ماوه‌ى زیاتر له‌ 2 مانگه‌ قه‌ڵاى شێروانه‌ى كه‌لار بێ پاسه‌وانه‌وه‌ و به‌ڕێوبه‌رى شوێنه‌وارى گه‌رمیانیش ده‌ڵێت: چه‌ندینجار به‌ نوسراوى فه‌رمى داوامان كردوه‌ تاوه‌كو ئێستا بۆمان دابین نه‌كراوه‌.

 

ساڵه‌ح محه‌مه‌د سه‌مین، به‌ڕێوبه‌رى به‌ڕێوبه‌رایه‌تى شوێنه‌وارى گه‌رمیان، له‌مباره‌یه‌وه‌ بۆ رادیۆى ده‌نگ وتى: "به‌هۆى ئاڵۆزى نێوان پێشمه‌رگه‌ و داعش له‌ سنوره‌كان، پاسه‌وانه‌كانى قه‌ڵاى شێروانه‌ كه‌ سه‌ر به‌ پۆلیسی به‌رگرى فریاكه‌وتن بون، لای ئێمه‌وه‌ گوزارنه‌وه‌ بۆ به‌ره‌كانى جه‌نگ.

 

وتیشى: به‌وهۆیه‌وه‌ بۆ ماوه‌ى 2 مانگه‌ پاسه‌وانى سه‌ربازیمان نیه‌، به‌ڵام پاسه‌وانى مه‌ده‌نیمان هه‌یه‌.

 

باسی له‌وه‌شكرد: چه‌ندین جار به‌ نوسراوى فه‌رمى داواى دابینكردنى پاسه‌وانمان كردوه‌، به‌ڵام تاوه‌كو ئێستا وه‌ڵام نه‌دراوینه‌ته‌وه‌ و بۆمان دابین نه‌كراوه‌.