ده‌نگ نێت

 

خۆپیشاندانی فێرخوازانی پۆلی 12ى ئامادەی ماوەی 2 رۆژە  لە قەزای کەلار بەردەوامە، بۆ وه‌ڵامى داواکاریەکانیشیان بەرێوبەری گشتی  پەروەردەی گەرمیان  دەڵیت: چاوەڕیی وەزارەتی پەروەردەین.

 

2 رۆژة خۆپێشاندانی فێراخوازانی پۆلی 12ى ئامادەی لەقەزای کەلار بةردةوامة بؤ داواكردنى کەمکردنەوەی بەشەوانەکانیان بۆ کاتی تاقیکردنەوەکان و درێژكردنه‌وه‌ى واده‌ى تاقیكردنه‌وه‌كان.

 

له‌باره‌ى وه‌ڵامى ئه‌وانه‌وه‌، م. دارا ئه‌حمه‌د، بەڕێوبەری گشتى پەروەردەی گەرمیان، بە رادیۆی دەنگی راگەیاند: یاداشتی  فێرخوازانمان ئاراستەی وەزارەتی پەروه‌ردە و هاوکات سەرۆکی لیژنەی باڵای تاقیکردنەوەکان کردوە.

 

باسی لەوەشکرد: یاداشتەکە پێکهاتوە له‌ 2 داواکاری بۆ کەمکردنەوەی بەشەوانەكان و هاوتانەکردنیان لەگەڵ ئەو فێرخوازانەی پارساڵ تاقیکردنەوەیان ئەنجامداوە و ئەمساڵیش بەشدارن لە تاقیکردنەوەکان.

 

ئەوەشی خستەڕو: بۆ وەڵامدانەوەی داواکاریەکانی فێرخوازان، چاوەڕیی بڕیاری وەزارەتی پەروەردەين.