ده‌نگ نێت

 

لیژنه‌ى شه‌هیدان و قوبانیانى پارله‌مان له‌ وه‌ڵامى نوسراوی په‌رله‌مانتارێك دا، ره‌دی ده‌كاته‌وه‌ شه‌هیدانى خۆپیشاندانه‌كانى 17ى شوبات و رۆژانى دوایی له‌ ساڵی 2011، به‌ شه‌هید هه‌ژمار بكرێن.

 

پارله‌مانتار: یاسین خزر، رێكه‌وتى 17ى كانونى دوه‌می 2022، نوسراوێكى ئاراسته‌ى سه‌رۆكایه‌تى پارله‌مانى كوردستان كردوه‌ به‌مه‌به‌ستى به‌ شه‌هید هه‌ژماركردنى ئه‌و كه‌سانه‌ى له‌ خۆپیشاندانه‌كانى 17ى شوبات و رۆژانى دوایی شه‌هید بون، سه‌رۆكایه‌تیش نوسراوه‌كه‌ى ئاراسته‌ى لیژنه‌ى شه‌هیدان و جینۆساید و زیندانیانى سیاسی پارله‌مان كردوه‌.

 

به‌پێی ئه‌و نوسراوه‌ى كۆپیه‌كى ده‌ست رادیۆی ده‌نگ كه‌وتوه‌، لیژنه‌كه‌ له‌ رێكه‌وتى 8ى ئه‌م مانگه‌ "شوباتى 2022" به‌ نه‌رێنى وه‌ڵامى داوه‌ته‌وه‌ و رازیی نه‌بوه‌ به‌و داوایه‌.

 

سه‌وسه‌ن محه‌مه‌د میرخان، سه‌رۆكى لیژنه‌كه‌، له‌ نوسراوه‌كه‌دا ده‌ڵێت: "ئه‌و هاوڵاتیانه‌ ناكرێن به‌ شه‌هید، چونكه‌ بون به‌ شه‌هید رێكار و یاسای تایبه‌ت به‌خۆی هه‌یه‌".