ده‌نگ نێت
37 رێكخراوى كۆمه‌ڵی مه‌ده‌نى له سه‌رتاسه‌رى هه‌رێمى كوردستان، له یاداشتێكدا داوا ده‌كه‌ن هه‌ڵبژاردنى پارله‌مانى كوردان له واده‌ى خۆی دا به‌ڕێوه‌بچێت.
ئه‌و رێكخراوانه له یاداشته‌كه‌یان كه ئاراسته‌ى پارله‌مان و حكومه‌ت و سه‌رۆكایه‌تى هه‌رێم و نوێنه‌رایه‌تى وڵاتان و نه‌ته‌وه‌یه‌كگرتوه‌كانیان كردوه، باس له‌وه‌ده‌كه‌ن هه‌ر پێنج خوله‌كه‌ى هه‌ڵبژاردنى پارله‌مانى كوردستان له‌واده‌ى خۆیدا نه‌كراوه و دواكه‌وتوه، كه ئه‌مه‌ش پێچه‌وانه‌ى یاسا كارپێكراوه‌كانه.
داواش ده‌كه‌ن كه هه‌ڵبژاردنى خولی شه‌شه‌مى پارله‌مانى كوردستان كه بڕیاره ئه‌مساڵ به‌ڕێوه‌بچێت، له‌كاتى خۆی دا ئه‌نجام بدرێت و فه‌رمانى هه‌رێمی بۆ ئه‌نجامدانى هه‌ڵبژاردنه‌كه له‌واده‌ى خۆیدا له‌لایه‌ن سه‌رۆكایه‌تى هه‌رێمه‌وه ده‌ربكرێت و كۆمیسیۆن رابسپێرێت بۆ ئاماده‌كارییكردن بۆ هه‌ڵبژاردنه‌كه.
ترسی خۆشیان ده‌خه‌نه‌ڕو كه به پاساوى ئاماده‌نه‌بونى كۆمیسیۆن بۆ پرۆسه‌كه و چۆڵبونى دو كورسی ئه‌نجومه‌نى كۆمیسیاران پرۆسه‌كه دوابخرێت، له‌كاتێكدا به‌وته‌ى خۆیان ئه‌نجامدانى پرۆسه‌كه كارێكى ئه‌وه‌نه قورس نیه و ته‌نها ئیراده‌ى پێویسته.
- دوایین بابەتەکان
-
هەواڵ7 بەشی نوێ لە زانکۆی گەرمیان کرایەوە
-
-
هەواڵبەڕێوبەرایەتی رێگاوبانی گەرمیان: پرۆژەی رێگای گوندی سەید خەلیل لەسەر بودجەی ئێمە نییە
-
-
هەواڵلهمساڵدا 179 راوچی لە گەرمیان ده‌ستگیركراون
-
-
هەواڵئەو کۆمپانیایەی جلی بۆ قوتابیانی قوتابخانەکەی کەلار دروستکردوە رونکردنەوە دەدات
-
-
هەواڵلە قوتابخانەیەکی کەلار جلی "کوالێتی خراپ" دەدرێتە قوتابی
-
زۆرترین بینراوەکان
