ده‌نگ نێت

 

ئه‌ندامێكى ئه‌نجومه‌نى پارێزگاى سلێمانى ده‌ڵێت: 39 پرۆژه‌ى په‌ره‌پێدانى پارێزگاكان له‌ گه‌رمیان راگیراوه‌، ئه‌مه‌ش له‌كاتێكدایه‌ ساڵانە بودجەیەک بە ناوی پەرەپێدانی پارێزگاکانه‌وه‌ دەهێنرێتە سنوره‌كه‌.

 

كه‌ریم عه‌لى، ئه‌ندامى ئه‌نجومه‌نى پارێزگاى سلێمانى، له‌ په‌ڕه‌ى خۆی له‌ تۆڕی كۆمه‌ڵایه‌تى فه‌یسبوك، بڵاویكردوه‌ته‌وه‌:  له‌ ئه‌كاونتى خۆى له‌ تۆرى كۆمه‌ڵایه‌تى فه‌یسبوك باسى له‌وه‌ كردوه‌: " ساڵانە بودجەیەک بە ژمارەی خەیاڵی بە ناوی پەرەپێدانی پارێزگاکانی هەرێم دەهێنرێتە سنوره‌كه‌، کۆبونەوەی بۆ ئەنجام دەدرێت و دەنگی لەسەر دەدرێ و دواتر نە بوودجەکە دابین دەکرێت و نە پرۆژەکانیش لە خەیاڵەوە دەکرێن بە ڕاستی".

 

هێماى بۆ ئه‌وه‌شكرد: له‌ كۆبونه‌وه‌كه‌دا 39  پرۆژەی پەرەپێدانی سنوری ئیدارەی گەرمیان بەبری زیاتر له‌ 15 ملیار و 180 ملیۆن دینار په‌سه‌ند كراوه، به‌ڵام جێبه‌جێ نه‌كراوه‌‌ .

 

داواش ده‌كات "ئەم بێڕێزیکردنە بە هاوڵاتیان رابگیرێت و هەوڵی تەواو بدرێت بوودجەو پرۆژەکان لە خەیاڵەوە بکرێن بە ڕاستی ".