ده‌نگ نێت
پاش ئه‌وه‌ى ئه‌مڕۆ یه‌كه‌م دانیشتنى دادگاییكردنى ژنه چالاكوان بێریڤان ئه‌یوب به‌ڕێوه‌چو، پارله‌مانتارێك ده‌ڵێت: دۆسیه‌كه ده‌ستێوه‌ردانى حزبی له پشته.
ژنە چالاکوان بێریڤان ئەیوب، كه دایکی 5 مناڵە، لە ساڵی 2020 دەستگیر کرا، پاش نزیكه‌ى 18 مانگ له گرتنى، ئەمڕۆ یەکەم دانیشتنی دادگای بەڕێوەچو، به‌ڵام دواتر دانیشتنەکە دواخرا بۆ کۆتایی ئەم مانگە.
شیرین ئه‌مین، ئه‌ندامى پارله‌مانى كوردستان كه ئاماده‌ى دادگاییه‌كه بو، به رادیۆی ده‌نگى وت: کەیسی بێریڤان ئەیوب دەست تێوه‌ردانی حزبی تێدا کراوە تۆمەتی تیكدانی ئاسایشی نیشتمانی دراوەتە پاڵ و بۆ ئەمەش هیچ بەڵگەیەک نیە.
هاوکات عەبدولستار مەجید، ئەندامی پەرلەمانی کوردستان، لە په‌ڕه‌ى خۆی له فەیسبوک باسی لەوە کردوە "بە هۆی حزبی کردن و بەسیاسی کردنی دادگا، ئەو چالاکوانە لە هەمو مافێکی شەرعی و قانونی بێبەشکراوە".
له‌لایه‌كى تره‌وه پارله‌مانتار شایان عه‌سكه‌رى، له په‌ڕه‌ى خۆی له فه‌یسبوك بڵاویكرده‌وه: به‌هۆی ترسه‌وه، ته‌نها دو ژن له بنه‌ماڵه‌ى ئه‌و ژنه ئه‌مڕۆ له دادگا ئاماده‌بون.
بێریڤان، پێشتریش به‌هۆی راگرتنى له زیندان، هاوسه‌ره‌كه‌ى لێی جیا بوه‌وه، هه‌روه‌ك راشیگه‌یاند كه له به‌ندیخانه توشى نه‌خۆشی شه‌كره هاتوه.
- دوایین بابەتەکان
-
هەواڵبەڕێوبەری گشتی شارەوانییەکانی گەرمیان: "هەمو ئامادەکارییەکمان بۆ لافاو کردوە و ئەوەی دەمێنێتەوە لای خوایە"
-
-
هەواڵلەبارەی داشکاندنی ٢٠٪ـی کرێی خوێندن لەزانکۆ و پەیمانگاکان رونکردنەوە دەدرێت
-
-
هەواڵبەڕێوبەرایەتی چاودێریی بازرگانیی گەرمیان: شوێنکارەکان خۆیان نرخی کاڵاکانیان دیاریی دەکەن
-
-
هەواڵسەرۆکی شارەوانی کەلار: ئاوی چەمی سەیدخەلیلمان بەسەر ٢ رێڕەودا دابەشکردوە
-
-
هەواڵهاتوچۆی گەرمیان: کامێرای یەک خاڵی لەسەر رێگای کەلار- کفری زیاد کراوە
-
زۆرترین بینراوەکان
