ده‌نگ نێت

 

له‌ ئێواره‌ى ئه‌مرۆوه‌ شەپۆلێکی ناوبەناوی بارانبارین ناوچەکانی گەرمیان دەگرێتەوە بەفریش لە چیاکانی باکوری گەرمیان دەبارێت.

 

به‌پێى زانیاریه‌كانى په‌یجى كه‌شوهه‌واى گه‌رمیان كه‌ تێیدا هاتوه‌: بەهۆی کاریگەری دو ناوچەی پەستان نزمی دەریای ناوەڕاست و دەریای سور پێشبینیی دەکەین لە ئه‌مشه‌ و دووشەممە تا نیوەڕۆی سێشەممە بارانبارینی ناوبەناو سەرجەم ناوچەکانی گەرمیان بگرێتەوه، بەگشتی شەپۆلەکە مامناوەندە.

 

هه‌ر به‌پێى زانیارییه‌كان: بڕی بارانبارینەکە بۆ ناوچەکانی گەرمیان له‌ نێوان 3 بۆ 15 ملم باران ده‌بێت، هاوكات له‌ زنجیرە چیاکانی بەمۆ و خۆشک و زمناکۆ و زەردەو  سەگرمەو قەرەداغ ئەگەری بەفربارین هەیە، ئه‌گه‌رى هه‌یه‌ 5 سانتیمه‌تر به‌رفر ببارێت.

 

ئه‌وه‌ش هاتوه‌: شه‌پۆله‌كه‌ ئێوارەی سێشەممه بەتەواوی کۆتایی دێت .