ده‌نگ نێت

 

به‌ڕێوبه‌رى رێگاوبانى گه‌رمیان ده‌ڵێت: كاركردن له‌ رێگه‌ى كه‌لار ده‌ربه‌ندیخان به‌سستى به‌ڕێوه‌ ده‌چێت و هیچ به‌رو پێشچونى به‌خۆیه‌وه‌ نه‌بینوه‌، ئه‌گه‌ر به‌مشێوه‌یه‌ش به‌رده‌وا بێت ئه‌وه‌ پرۆژه‌كه‌ راده‌گیرێت.

 

عه‌دنان خه‌لیل، به‌ڕێوبه‌رى رێگاوبانى گه‌رمیان، به‌ رادیۆى ده‌نگى راگه‌یاند: "ئه‌وه‌ى كه‌ پێویستمان هه‌بو بۆ پرۆژه‌كه‌ نزیكه‌ى 70 ملیار دینار بوه‌، به‌ڵام ته‌نها 10 ملیاریان بۆ خه‌رج كردین، ئه‌و 10 ملیاره‌ش به‌هۆى خه‌رج كردنى موچه‌وه‌ هه‌موى خه‌رج نه‌كراوه‌ بۆ به‌ڵێنده‌ر، ئه‌مه‌ش كاریگه‌رى خراپى هه‌بو له‌سه‌ر پرۆژه‌كه‌".

 

پێشتر به‌ڵێنده‌رى پرۆژه‌كه‌ رایگه‌یاند كه‌ رێژه‌ى جێبه‌جێكردنى پرۆژه‌كه‌ گه‌یشتوه‌ته‌ 55%، به‌ڕێوبه‌رى رێگاوبانى گه‌رمیانیش جه‌ختى كرده‌وه‌: به‌هۆی ئه‌و گرفتانه‌وه‌ كاركردن له‌ پرۆژه‌كه‌دا سسته‌ و ئێستاش هه‌ر ئه‌و رێژه‌یه‌ى لێ جێبه‌جێ كراوه‌ و هیچ نه‌چوه‌ته‌ پێشه‌وه‌.