ده‌نگ نێت

 

وه‌زاره‌تى ناوخۆ كۆمه‌ڵێك بڕیارى نوێی ده‌ركرد بۆ روبه‌ڕوبونه‌وه‌ى ڤایرۆسى كۆرۆنا و له‌وانه‌ ماوه‌ى وه‌رگرتنى ڤاكسین له‌لایه‌ن فه‌رمانبه‌رانى حكومه‌ت تاوه‌كو 20ى1 درێژكراوه‌ته‌وه‌.

 

به‌پێى راگه‌یه‌ندراوێكى ئیداره‌ى گه‌رمیان كه‌ تێیدا هاتوه‌: وه‌زاره‌تى ناوخۆ كۆمه‌ڵێك بریارى نوێى ده‌ركردوه‌ بۆ روبه‌روبونه‌وه‌ى ڤایرۆسى كۆرۆنا یه‌كێك له‌وانه‌وه‌ ماوه‌ى وه‌رگرتنى ڤاكسینى كۆرۆنا له‌لایه‌ن فه‌رمانبه‌رانى حكومه‌ت به‌ هه‌ردو راژه‌ى شارستانى و سه‌ربازییه‌وه‌ تاوه‌كو 20ى1 درێژكراوه‌ته‌وه‌".

 

ئه‌وه‌ش هاتوه‌: هاوكات پێویسته‌ هه‌مو هاوڵاتیان له‌ هه‌مو شوێنه‌ گشتیه‌ داخراوه‌كان به‌تایبه‌ت فه‌رمانگه‌ حكومیه‌كان و ماركێت و ریستۆرانت و شوێنه‌ بازرگانیه‌كان ماسك ببه‌ستن و دورى نێوانیشیان زیاتربێت له‌ مه‌ترێك.