ده‌نگ نێت

 

له‌ قه‌زاى كفرى ته‌نها ته‌كسیه‌ك به‌ شێوه‌ى فه‌رمى له‌ سه‌ندیكا تۆماركراوه‌ و كارى هاوڵاتیانى قه‌زاكه‌ راده‌په‌ڕێنت.

 

نه‌وزاد هه‌مه‌وه‌ندى، تاكه‌ شۆفێرى ته‌كسیه‌ له‌ كفرى كه‌ تۆمار كراوه‌ له‌ گواستنه‌وه‌ى گه‌رمیان، ئه‌و له‌باره‌ى كاره‌كه‌یه‌وه‌ ده‌ڵێت: كاری باشى هه‌یه‌ به‌ تایبه‌ت بۆ گونده‌كانى نزیك به‌ كفرى و به‌رده‌وامه‌ له‌ كاره‌كه‌ى.

 

ئاماژه‌ى به‌وه‌شكرد: شۆفێرى دیكه‌ كارى ته‌كسى ده‌كه‌ن، به‌ڵام به‌ ئۆتۆمبێلى تایبه‌تى كاره‌ده‌كه‌ن و خۆیان تۆمار نه‌كردوه‌.

 

به‌ پێى راپۆرتێكى یه‌كه‌ى چاودێرى كه‌ له‌باره‌ى گواستنه‌وه‌ى گشتیه‌وه‌ بڵاوكراوه‌ته‌وه‌ و گرفته‌كانى گواستنه‌وى گشتى له‌ سنورى گه‌رمیان تێدا باسكراوه‌ ئاماژه‌ به‌وه‌كراوه‌، له‌ قه‌زاى كفرى ٤٣ مینى پاس كارى گواستنه‌وه‌ى گشتى ئه‌نجام ده‌ده‌ن و له‌ سه‌ندیكا خۆیانن تۆماركردوه‌ و به‌سه‌ر هێڵه‌كانى ناو قه‌زاكه‌دا دابه‌شكراون.

 

كاوه‌ قادر، لێپرسراوى گواستنه‌وه‌ى كفرى به‌ رادیۆى ده‌نگى راگه‌یاند: هیچ ئۆتۆمبێلێك نه‌هاتوه‌ته‌ لایان بۆ ئه‌وه‌ى تۆمار بكرێت و ته‌نها یه‌ك ته‌كسى تۆمار كراوه‌.