ده‌نگ نێت

 

هه‌ندێك له‌ بریكاره‌كان نرخی فرۆشتنى بوتڵێك غازی ماڵان بۆ سه‌روى 8 هه‌زار دینار به‌رز ده‌كه‌نه‌وه‌، به‌ڕێوبه‌رى نه‌وت و كانزاكانى گه‌رمیانیش هۆشداری ده‌دات له‌وباره‌وه‌ و ده‌ڵێت: سه‌رپێچیكاران سزاده‌درێن.

 

یادگار فه‌تاح، به‌ڕێوبه‌رى به‌ڕێوبه‌رایه‌تى نه‌وت و كانزاكانى گه‌رمیان، له‌مباره‌یه‌وه‌ بۆ رادیۆى ده‌نگ وتى: "نرخى هه‌ر بوتڵێك غازى شل ته‌نها 7 هه‌زار و 500 دیناره‌ و‌ هه‌ر بریكارێك له‌و نرخه‌ زیاتر بیفرۆشێته‌وه‌ ئیجرائات له‌گه‌ڵ ئه‌و و خاوه‌نى كارگه‌كه‌ش ده‌كه‌ین ئه‌گه‌ر به‌ نرخێكى زیاتر پێیانى فرۆشتبێته‌وه‌".

 

وتیشى: داوا له‌ هاوڵاتیان ده‌كه‌ین له‌ هه‌ر حاڵه‌تێكى له‌و شێوه‌یه‌ ژماره‌ ته‌له‌فۆنى به‌ڕێوبه‌رایه‌تیمان له‌سه‌ر ئۆتۆمبێلى ئه‌و بریكارانه‌ هه‌یه‌ ده‌توانن له‌و رێگه‌یه‌وه‌ په‌یوه‌ندى بكه‌ن.

 

جه‌ختیش ده‌كاته‌وه‌: هه‌ر كاتێك نرخى غاز گران ببێت ئه‌وه‌ حكومه‌ت به‌ فه‌رمى رایده‌گه‌یه‌نێت.