دەنگ نێت

 

ھێرشەکەی شەوی رابردوی داعش بۆ سەر سەنگەرێکی پێشمەرگە لە کۆکس 'کوڵەجۆ'، شەھیدبونی پێنج پێشمەرگە و برینداربونی چواری دیکەی لێ کەوتەوە.

 

جەلال نوری، سەرپەرشتیاری ئیدارەی گەرمیان، لە راگەیەنراوێکدا رایگەیاندوە: شەوی رابردو لەسنوری ناحیەی کۆکسی سەر بە قەزای کفری، لە هێرشێکی تیرۆریستانی داعشدا پێنج پێشمەرگە شەهیدبون بە ناوەکانی: (رائد ئیبراهیم بارام، رائد ئیسماعیل، ئەمین حسێن، ئاراز سەمین، نەبەرد) و چوار پێشمەرگەی تریش بریندار بون.

 

دەشڵێت: مەترسی تیرۆر و داعش بۆ سەر ناوچەکە مەترسیەکی جدی و بەردەوامە و ئامانج لەم هێرشانە بڵاوکردنەوەی ترس و تۆقاندن و سەپاندنی فیکری تاریک پەرستانەیانە.

 

باس لەوەشدەکات 'هێزەکانی پێشمەرگە هەمیشە بەورەی پۆڵایین و گیانی خۆیان بەر بەم هێرشە ناڕەوایانە دەگرن و وڵاتەکەمان دەپارێزن'.