ده‌نگ نێت

 

لێپرسراوی مەڵبەندی گەرمیانی یەکگرتو دەڵیت پۆستی بەڕێوبەری گشتی رۆشنبیری و هونەری گەرمیان لای یەکگرتو دەمێنێتەوە سێ كه‌سیان بۆ وه‌رگرتنى ئه‌و پۆسته‌ كاندید كردوه‌.

 

بەڕێوبەری گشتی رۆشنبیری و هونەری گەرمیان وه‌ك پشكى یه‌كگرتو له‌ گه‌رمیان دیارى كراوه‌ و ئه‌و حزبه‌ چاوه‌ڕوانى ئه‌نجومه‌نى پارێزگا ده‌كات بۆ یه‌كلاكردنه‌وه‌ى كاندیده‌كانیان پاش ئه‌وه‌ى ئاكۆ هۆرێنى، به‌ڕێوبه‌رى پێشوى به‌ڕێوبه‌رایه‌تیه‌كه‌ خانه‌نشین بو .

 

بورهان موزه‌فه‌ر، لێپرسراوى مه‌ڵبه‌ندى گه‌رمیانى یه‌كگرتو به‌ رادیۆى ده‌نگى راگه‌یاند: سێ کەسمان بۆ ئەو پۆستە كاندید کردوە کە بریتین لە (عادل حوسێن، سیامەند سەلام، سەردار ساڵح)ه‌.

 

دەشلێت: چاوەڕێین لەلایەن ئەنجومەنی پارێزگای سلێمانیەوە هەڵبژێردرێن.