ده‌نگ نێت

 

بزوتنه‌وه‌ى گۆران دو كاندیدى بۆ پۆستى سه‌رپه‌رشتیارى ده‌روازه‌ى په‌روێزخان هه‌یه‌ و یه‌كێتیش سێ كاندیدى بۆ پۆستى گومرگى گه‌رمیان پێشكه‌ش كردوه‌ و چاوه‌روانى ره‌زامه‌ندى وه‌زاره‌تن.

 

به‌ پێی زانیارییه‌كانى رادیۆى ده‌نگ، بزوتنه‌وه‌ى گۆران هه‌ر یه‌كه‌ له‌ فه‌یسه‌ڵ محه‌مه‌د و رائید سالار باوه‌نورى كاندید كردوه‌ و چاوه‌روانى ره‌زامه‌ندى وه‌زاره‌تى دارایی و ئه‌نجومه‌نى وه‌زیرانه‌ بۆ یه‌كلاكردنه‌وه‌ى پۆسته‌كه‌.

 

هه‌ر به‌ پێی زانیارییه‌كان بۆ پۆستى گومرگى گه‌رمیان كه‌ پشكى یه‌كێتیه‌ هه‌ریه‌كه‌ له‌ ئه‌ڤین محه‌مه‌د، فه‌لاح حه‌سه‌ن و هێمن نورى كاندید كراون، به‌ڵام تا ئێستا ره‌زامه‌ندى كۆتایی له‌سه‌ر پۆسته‌كه‌ نه‌دراوه‌.

 

له‌ رۆژى ٣-١١-٢٠٢١ بەبڕیاری وەزارەتی دارایی، بەڕێوبەرانی مەرزی پەروێزخان و گومرکی گەرمیان لە پۆستەکانیان لابران.