ده‌نگ نێت

 

مانگێك به‌سه‌ر بڕیاره‌كه‌ى سه‌رۆكى حكومه‌تدا تێپه‌ریوه‌ و تا ئێستا پاره‌ بۆ پرۆژه‌ى رێگاى كه‌لار-كفرى خه‌رجنه‌كراوه‌ و كاره‌كانى رێگاكه‌ش ته‌واو نه‌كراوه‌.

 

له‌ به‌روارى ٧-١٠-٢٠٢١ سه‌رۆكى حكومه‌ت سه‌ردانى گه‌رمیانى كرد و له‌ كۆبونه‌وه‌ى له‌گه‌ڵ به‌رپرسانى سنوره‌كه‌ بڕیاریدا به‌شێك له‌و پرۆژانه‌ى له‌ گه‌رمیان راگیراون پاره‌یان بۆ ته‌رخان بكرێت و بخرێنه‌وه‌ كار كه‌ له‌ نێویاندا پرۆژه‌ى رێگاى كه‌لار- كفرییه‌ كه‌ به‌شى زۆرى كاره‌كانى ته‌واو كراوه‌، به‌ڵام تا ئێستا پاره‌ى پرۆژه‌كه‌ خه‌رجنه‌كراوه‌.

 

عه‌دنان خه‌لیل، به‌ڕێوبه‌رى رێگاوبانى گه‌رمیان به‌ رادیۆى ده‌نگى راگه‌یاند: تا ئێستا پاره‌ بۆ پرۆژه‌كه‌ خه‌رجنه‌كراوه‌ و كارى رێگاكه‌ش ته‌واو نه‌كراوه‌.

 

له‌باره‌ى ئه‌و به‌شه‌ى رێگاكه‌ كه‌ ته‌واو نه‌كراوه‌ به‌ڕێوبه‌رى رێگاوبانى گه‌رمیان وتى: كارى زۆرى نه‌ماوه‌ و نزیكه‌ له‌ ته‌واو بون.