ده‌نگ نێت

 

کۆمپانیای گازپرۆم رایدەگەیەنێت پێنجەم بیرە نەوت لە کێڵگەی سەرقەڵا- گەرمیان لێدەدات و بەرھەمی رۆژانەی نزیکەی ٨ ھەزار بەرمیلە.

 

سێرگی پێترۆف، بەڕێوبەری گشتیی کۆمپانیای گازپرۆم نەفت-ی روسی کە لە گەرمیان کاری گەڕان و دەرھێنانی نەوت دەکەن، بە کاناڵی روسیای ئەمڕۆی وتوە: ئێستا چوار بیرە نەوتمان لە کێڵگەی سەرقەڵا لە گەرمیان ھەیە، بەنیازین ناوەڕاستی ساڵی داھاتو بیری پێنجەم لێبدەین و لە ساڵی ٢٠٢٣ تەواو بێت و دەست بە بەرھەم بکات.

 

دەشڵێت: چاوەڕێ دەکەین بەرھەمی رۆژانەی ئەو بیرە نەوتە ٧ بۆ ٨ ھەزار بەرمیل بێت.

 

باسی لەوەشکرد ئێستا رۆژانە لەو کێڵگەیەدا ٣ ھەزار تەن واتا ٢٧ ھەزار بەرمیل نەوت بەرھەمدەھێنن و بە تانکەر بۆ خورمەڵەی دەگوازنەوە و لەوێوە ئاراستەی بازاڕە نێودەوڵەتیەکان دەکرێت.