ده‌نگ نێت

 

له‌ گه‌رمیان هیچ سه‌نته‌رێكى تایبه‌ت به‌ نه‌خۆشانى داون (مه‌نگۆلى) نیه‌ و هیچ ئامارێكى تایبه‌ت له‌باره‌ى ئه‌و نه‌خۆشیه‌ به‌رده‌ست نیه‌.

 

ده‌رون عومه‌ر، به‌ڕێوبه‌رى چاودێرى و گه‌شه‌پێدانى كۆمه‌ڵایه‌تى گه‌رمیان به‌ رادیۆى ده‌نگى وت: ئێمه‌ سه‌نته‌رى تایبه‌ت به‌و نه‌خۆشیه‌مان نیه‌ و ته‌نها ئامارى ئه‌و نه‌خۆشانه‌مان لایه‌ كه‌ موچه‌ وه‌رده‌گرن.

 

ئاماژه‌ى به‌وه‌شكرد: ماوه‌ى شه‌ش ساڵه‌ هیچ خاوه‌ن پێداویستى تایبه‌ت و كه‌م ئه‌ندام لاى ئێمه‌ تۆمار نه‌كراوه‌.

 

ده‌رون عومه‌ر، باسى له‌وه‌شكرد: ئه‌وانه‌ى كه‌ تازه‌ توشى ئه‌و نه‌خۆشیه‌ بون ده‌بێت سه‌ردانى ته‌ندروستى گه‌رمیان بكه‌ن.

 

له‌ به‌رامبه‌ردا د.سیروان محه‌مه‌د، به‌ڕێوبه‌رى گشتى ته‌ندروستى گه‌رمیان به‌ رادیۆى ده‌نگى راگه‌یاند: ئه‌و نه‌خۆشانه‌ ته‌نها بۆ دیاریكردنى نه‌خۆشیه‌كه‌یان سه‌ردانى ئه‌وان ده‌كه‌ن.

 

وتیشى : ئامارێكى تایبه‌تیان له‌و باره‌یه‌وه‌ نیه‌.