دەنگ نێت

 

حزبی سۆسیالیست دیموکراتی کوردستان رایدەگەیەنێت کە بۆ ھەڵبژرادنی ئەنجومەنی نوێنەرانی عێراق لە گەرمیان دەنگ بە کاندیدی پارتی دیموکراتی کوردستان دەدات، لەکاتێکدا خۆی ٢ کاندیدی ھەیە.

 

بەپێی بەیاننامەیەکی کە شەوی رابردو پاش کۆبونەوەی سەرکردایەتی ئەو حزبە بڵاوکرایەوە، سۆسیالیست بڕیاری داوە کادیر و لایەنگرانی لە چەند شوێنێکدا دەنگ بە کاندیدانی پارتی دیموکراتی کوردستان بدات، لەوانە: لە پارێزگای هەولێر لە بازنەکانی ( ٢ ، ٣ ، ٤ ) و لە پارێزگای سلێمانی لە بازنەی (١ ، ٣ ، ٤ ، ٥ ) و لە پارێزگای دهۆک لە بازنەکانی ( ١ ، ٢ ، ٣).

 

یەکێک لەو بازنانەی کە سۆسیالیست بڕیاری داوە کادیرەکانی تیایدا دەنگ بە کاندیدی پارتی بدەن، بازنەی (٥)ی پارێزگای سلێمانییە کە کەلار و کفری و چەمچەماڵ و دەربەندیخان دەگرێتەوە، لەکاتێکدا لەم بازنەیە سۆسیالیست خۆی ٢ کاندیدی ھەیە کە (پەیمان ئەحمەد و ھەڤاڵ محەمەد)ن.

 

ئەو دو کاندیدەی سۆسیالیست دوێنێ لە دەنگدانی تایبەت دا نزیکەی ١٠ دەنگیان بەدەستھێنابو.

 

سەرکردایەتی سۆسیالیست بڕیاریداوە لە بازنەکانی (٣)ی سلێمانی و (١)ی هەولێر و تەواوی پارێزگای کەرکوک و خانەقین و موسڵ، کادیرەکانیان کار بۆ سەرخستنی کاندیدانی حزبی سۆسیالیست بکەن.