ده‌نگ نێت

 

دادوه‌رێكى خانه‌نشینكراو له‌ كاتى راوكردندا له‌ گه‌رمیان ده‌ستگیركراوه‌، به‌ڕێوبه‌رى پۆلیسى دارستان وژینگه‌ى گه‌رمیانیش ده‌ڵێت: به‌ كه‌فاله‌ت ئازاد كراوه‌، "گوایه‌ نه‌خۆشه‌ و ده‌رمانى هه‌یه‌".

 

شوان محه‌مه‌د، به‌ڕێوبه‌رى به‌ڕێوبه‌رایه‌تى پۆلیسى دارستان و ژینگه‌ى گه‌رمیان له‌م باره‌یه‌وه‌ بۆ رادیۆى ده‌نگ وتى: "كۆمه‌ڵێك كه‌س بون و راویان كردوه‌ و تاپریان پێبوه‌ و پۆڕیان كوشتوه‌، هاورێكانى ته‌وقیف كراون، ئه‌م حاكمه‌ى كه‌ خانه‌نشین بوه‌ به‌ هۆى نه‌خۆشى و ده‌رمانه‌وه‌ به‌ كه‌فاله‌ت ئازاد كراوه‌".

 

له‌باره‌ى ئازادكردنى دادوه‌ره‌كه‌وه‌ شوان محه‌مه‌د، ده‌ڵێت: "ئێمه‌ ناڕازى بوین".

 

وتیشى: ئه‌ركى ئێمه‌ ئه‌وه‌یه‌ كه‌سه‌كه‌ ده‌ستگیرده‌كه‌ین و به‌ نوسراو ئاراسته‌ى دادگاى ده‌كه‌ین بڕیاره‌كان لاى ئه‌وانه‌، به‌ڵام كه‌ به‌ كه‌فاله‌ت ئازاد كراوه‌ دیاره‌ دڵى پێى سوتاوه‌.