مامۆستایەکی زانکۆی گەرمیان دەڵێت: كۆمیته‌ى زانكۆى یه‌كێتى له‌ ناو زانکۆدا داوایان لێده‌كه‌ن ناوى ئه‌و لایه‌نه‌ ئاشكرا بكه‌ن كه‌ ده‌نگى پێده‌ده‌ن، بەرپرسی کۆمیتەی زانکۆش دەڵێت: بانگەشە لە کۆمیتەدا دەکەین.

 

محه‌مه‌د حه‌سه‌ن، مامۆستا لەزانکۆی گەرمیان، له‌په‌ره‌ى خۆى له‌ تۆڕى كۆمه‌ڵایه‌تى فه‌یسبوك نوسیویه‌تى: کۆمیتەی زانکۆی یەکێتی دەچنە بەشەکان و بە ناوی راگرەکانەوە داوای ناو و ژمارە مۆبایلی مامۆستا و فەرمانبەران دەکەن و لەوەیش ناپەسەندتر، داوایان لێ دەکەن ناوی ئەو لایەنە ئاشکرا بکەن کە دەنگی پێ دەدەن.

 

ئه‌و مامۆستایه‌ى زانكۆى گه‌رمیان داواش ده‌كات "‌سەرۆکایەتیی زانکۆی گەرمیان و ئەنجوومەنی زانکۆ، بە سەرۆکی زانکۆ و تەواوی راگرەکانەوە، بەرپرسیارانە بێنە سەر خەت و ئەو پێشێلکارییە رابگرن".

 

له‌به‌رامبه‌ردا، سه‌ركۆ ساڵح، به‌رپرسى كۆمیته‌ى زانكۆى یه‌كێتى نیشتمانی له‌ كه‌لار، به‌ رادیۆى ده‌نگى راگه‌یاند: هه‌مو بانگه‌شه‌یه‌كمان له‌ باره‌گاى خۆمان كردوه‌ و ته‌ئكیدیشمان كردوه‌ته‌وه‌ كه‌ له‌ كاتى ده‌وامدا بانگه‌شه‌ى هه‌ڵبژاردن نه‌كه‌ن.

 

ئاماژه‌ى به‌وه‌شكرد: له‌ دواى ده‌وامه‌وه‌ ئاساییه‌ به‌ چ شێوازێك ده‌مانه‌وێت بانگه‌شه‌ى خۆمان ده‌كه‌ین.