ده‌نگ نێت

 

له‌ ماوه‌ى هه‌شت مانگى رابردودا له‌ سنورى گه‌رمیان ٤٣٠ حاڵه‌تى توندوتیژى خێزانى له‌ سنورى گه‌رمیان تۆماركراوه‌ و وته‌بێژى به‌ڕێوبه‌رایه‌تى به‌ره‌نگاربونه‌وه‌ى توندوتیژى خێزانى له‌ گه‌رمیان ده‌ڵێت: یه‌كێك له‌ هۆكاره‌كانى تێكچونى شیرازه‌ى خێزان له‌ گه‌رمیان به‌كارهێنانى سۆشیال میدیایه‌ به‌ شێوه‌یه‌كى ناته‌ندروست.

 

ئه‌یوب حسێن، وته‌بێژى به‌ڕێوبه‌رایه‌تى به‌ره‌نگاربونه‌وه‌ى توندوتیژى دژ به‌ ژنان و خێزان له‌ گه‌رمیان له‌میانه‌ى به‌رنامه‌ى رۆژێكى ترى رادیۆى ده‌نگدا رایگه‌یاند: "سوشیال میدیا و دۆخى ئابورى له‌ هۆكاره‌كان بۆ تێكچونى شیرازه‌ى خێزان له‌ گه‌رمیان، ئه‌گه‌ر به‌شێوه‌ى راسته‌وخۆ نه‌بێت ئه‌وه‌ له‌ ناوه‌رۆكه‌وه‌ هۆكاره‌".

 

وتیشى: زۆربه‌ى ئه‌و په‌ڕاوانه‌ى كه‌ هاتوه‌ته‌ لامان و لێكۆڵینه‌وه‌مان لێكردوه‌ خراپ به‌كارهێنانى تۆره‌ كۆمه‌ڵایه‌تیه‌كان یه‌كێكه‌ له‌ هۆكاره‌ دیاره‌كانى بۆ زیاتر بونى حاڵه‌ته‌كانى توندوتیژى.

 

لە ماوەی ٨ مانگی ئەمساڵدا لە سنوری گەرمیان حاڵەتەکانی توندوتیژی خێزانی بە بەراورد بە ساڵی رابردو زیادیکردوە کە بەنزیکەی ٤٣٠ حاڵەت تۆمار کراوە.