ده‌نگ نێت

 

ئه‌مرۆ ئه‌نجومه‌نى پارێزگاى سلێمانى به‌ كۆى ده‌نگ كاندیدانى پۆستى قائیمقامى قه‌زاى ده‌ربه‌ندیخان و به‌ڕێوبه‌رى ناحیه‌ى سه‌رقه‌ڵاى یه‌كلاكرده‌وه‌ كه‌ هه‌ردو كاندیده‌كه‌ له‌ پشكى بزوتنه‌وه‌ى گۆڕانن.

 

له‌ كۆبونه‌وى ئه‌مڕۆ سێ شه‌مه‌ى ئه‌نجومه‌نى پارێزگاى سلێمانى به‌ زۆرینه‌ى ده‌نگى ئه‌ندامانى ئه‌نجومه‌نه‌كه‌ و له‌سه‌ر رێككه‌وتنى پێشوى یه‌كێتى نیشتیمانى و بزوتنه‌وه‌ى گۆڕان ده‌نگ له‌سه‌ر كاندیده‌كانى بزوتنه‌وه‌ى گۆڕان دراوه‌ و په‌سه‌ند كراون.

 

بزوتنه‌وه‌ى گۆڕان سلێمان سه‌عید، بۆ قائیمقامى ده‌ربه‌ندیخان و ته‌ها ئیبراهیم قادر، بۆ به‌ڕێوبه‌رى ناحیه‌ى سه‌رقه‌ڵا كاندیدكردبو ئه‌مڕۆ ئه‌نجومه‌نى پارێزگاى سلێمانى كاندیده‌كانى په‌سه‌ندكرد.

 

وه‌رگرتنه‌وه‌ى ئه‌و دو پۆسته‌ له‌ كاتێكدایه‌ كه‌ قائیمقامى پێشوى ده‌ربه‌ندیخان كه‌ ناسح حه‌سه‌ن، بو له‌ پشكى گۆران خانه‌نشین كراو و به‌ڕێوبه‌رى ناحیه‌ى سه‌رقه‌ڵاش كه‌ رامیار عه‌بدلره‌حمان كرایه‌ جێگرى سه‌رپه‌رشتیارى ئیداره‌ى گه‌رمیان.