ده‌نگ نێت




به‌ڕێوبه‌رى كشتوكاڵى گه‌رمیان ده‌ڵێت: به‌ بریارێكى وه‌زاره‌ت باخى زه‌یتونى كه‌لار ده‌درێت به‌ كه‌رتى تایبه‌ت، به‌هۆى نه‌بونى كارمه‌ندى پێویست بۆ خزمه‌تكردنى.

 

شادیه‌ حسێن، به‌ڕێوبه‌رى گشتى كشتوكاڵى گه‌رمیان له‌مباره‌یه‌وه‌ به‌ رادیۆى ده‌نگى راگه‌یاند: "به‌ بریارێكى وه‌زاره‌تى كشتوكاڵ باخى زه‌یتونى كه‌لار ده‌درێت به‌ كه‌رتى تایبه‌ت به‌ گرێبه‌ست كه‌ له‌ ٥ بۆ ١٠ ساڵ ده‌بێت، هۆكارى ئه‌مه‌ش ئه‌وه‌یه‌ كه‌ كارمه‌ند و پاسه‌وانى نیه‌ بۆ چاودێریكردنى".

 

وتیشى: تاكه‌ جێگه‌ كه‌ ده‌درێت به‌ كه‌رتى تایبه‌ت باخى زه‌یتونه‌كه‌ى كه‌لاره‌ كه‌ له‌ ساڵى ٨٠كانه‌وه‌ دروست كراوه‌ و سه‌ره‌تا ٤٣ دۆنم بوه‌ وه‌ له‌ ساڵى ٢٠٠٣ بیست دۆنمى دیكه‌ى بۆ زیاد كراوە.

 

هێماى بۆ ئه‌وه‌شكرد: به‌پێى ئه‌و گرێبه‌سته‌ى هه‌یه‌ ده‌بێت ئه‌و باخه‌ وه‌ك خۆى بمێنێته‌وه‌ و له‌ ژێر چاودێرى به‌ڕێوبه‌رایه‌تى كشته‌كاڵدا بێت.