ده‌نگ نێت

 

وەزیری ئاوەدانکردنەوە و نیشتەجێکردنی ھەرێم بەڵێنى داوه‌ کە تا مانگی ئەیلولی ئەمساڵ ھەمو بودجە ماوەکانی پرۆژەی کەلار دەربەندیخان تەرخان بکەن.

 

به‌ پێی راگه‌ینراوێكى گروپی گەشەی گەرمیان كه‌ له‌گه‌ڵ وه‌زیرى ئاوه‌دانكردنه‌وه‌ى حكومه‌تى هه‌رێم كۆبونه‌ته‌وه‌ و وەزیری ئاوەدانکردنەوە و نیشتەجێکردن (دانا عەبدولکەریم)، رایگه‌یاندوه‌ کە پرۆژەی کەلار کفری کێشەی نیە و لە ماوەیەکی نزیکدا تەواو دەبێت.

 

ئاماژه‌ به‌وه‌شكراوه‌: پرۆژەی کەلار دەربەندیخان لەم ھەفتەیەدا بڕی ١٠ ملیار دینار بۆ پرۆژەکە خەرج دەکرێت و و بەڵێنی داوه‌ ھەتاوەکو مانگی ئەیلولی ئەمساڵ فەرمانی خەرجکردنی کۆی بودجەی ماوەی پرۆژەکە لەلایەن سەرۆکی ئەنجومەنی وەزیرانی ھەرێمەوە دەربکرێت، بەمەش پرۆژەکە روبەڕوی گرفتی دیکە و وەستاندن نابێتەوە و وادەکات لەماوەی کەمتر لە ساڵ و نیوێکدا تەواو ببێت.

 

گروپى گه‌شه‌ى گه‌رمیان له‌ زارى وه‌زیرى ئاوه‌دانكردوه‌وه‌ ئه‌وه‌یان بڵاوكردوه‌ته‌وه‌:  پرۆژەی دیکەش له‌ گەرمیان جێبه‌جێده‌كرێت، لەوانە: دروستکردنی رێگای نوێ بۆ مەرزی پەروێزخان و ھەروەھا مەرزی تیلەکۆ، تەواوکردنی رێگای وارماوا- دەربەندیخان، دروستکردنی تونێلێکی دیکە لە دەربەندیخان، کە لەکاتی خۆی دا وردەکارییەکەی دەخەنەڕو.