ده‌نگ نێت

 

به‌ وته‌ى ئه‌ندامێكى په‌رله‌مان به‌به‌هاى زیاتر له‌ 500 ملیۆن دۆلار زه‌وى به‌ شێوازى جۆراوجۆر له‌ كه‌لار به‌فیڕۆ دراوه‌.

 

دابان محمد، ئه‌ندامى په‌رله‌مانى كوردستان له‌ ئه‌كاونتى خۆى له‌ تۆرى كۆمه‌ڵایه‌تى فه‌یسبوك ڕایگه‌یاندوه‌، به‌بەھای زیاتر له‌ 500 ملیۆن دۆلار تەسەڕوف بە زەوی کەلارەوە کراوە و بەھەدەر دراوە.

 

ئه‌و په‌رله‌مانتاره‌ ئه‌وه‌شى خستۆته‌ڕو، شەپۆلێک داگیرکاری روی لەو شارە کردوە، لە بەنزینخانەوه‌ بۆ عەلوە، لە نیشتەجێبونەوە بۆ مۆڵ و لە داگیرکاری زەوییەوە بۆ پێدانی مۆڵەتی نایاسایی و به‌ شێوازى جۆراوجۆر زه‌وى به‌هه‌ده‌ر دراوه‌.

 

له‌ ڕابردودا له‌هه‌رێمى كوردستان له‌دواى به‌هه‌ده‌ردان و گه‌نده‌ڵى له‌بوارى داهات، دابه‌شكردنى زه‌وى و دابینكردنى بۆ پرۆژه‌كان زۆرترین قسه‌وباسى له‌لایه‌ن په‌رله‌مانتاران و چاودێرانه‌وه‌ له‌باره‌وه‌ كراوه‌.