رادیۆی دەنگ

 

له‌ كاتى ئه‌نجامدانى ئه‌ركدا‌ بۆ نه‌هێشتنى دیارده‌ى راوكردن له‌ سنورى گوندى سه‌نگه‌ر، چه‌ند چه‌كدراێكى نه‌ناسراو هێرش ده‌كاته‌ سه‌ر مه‌فره‌زه‌ى به‌ڕێوبه‌رایه‌تى پۆلیسى دارستانی گەرمیان و كارمه‌ندێك بریندارده‌کەن.

 

هاشم عه‌لى، وته‌بێژى به‌ڕێوبه‌رایه‌تى دارستان و ژینگه‌ى گه‌رمیان، بۆ رادیۆى ده‌نگ وتى: مه‌فره‌زه‌كه‌مان له‌ كاتى ئه‌نجامدانى ئه‌ركدا بون بۆ نه‌هێشتنى دیارده‌ى راوكردن له‌ سنورى گوندى سه‌نگه‌ر له‌ سنوری خانه‌قین، چه‌ند چه‌كدارێکی‌ نه‌ناسراو هێرش ده‌كەنە‌ سه‌ر مه‌فره‌زه‌ى به‌ڕێوبه‌رایه‌تیمان و كارمه‌ندێكمان بریندارده‌بێت، به‌ڵام دۆخى جێگیره‌.

 

وتیشى: چه‌كداره‌كان هه‌ڵهاتون، به‌ڵام ده‌ستگیراوه‌ به‌سه‌ر ئۆتۆمبێله‌كه‌یاندا كه‌ له‌ جۆرى نیسان پاترۆڵه‌.

 

جه‌ختى له‌وه‌شكرده‌وه‌: رێكارى یاسایمان گرتوه‌ته‌به‌ر و لێكۆڵینه‌وه‌ له‌ روداوه‌كه‌ ده‌ستیپێكردوه‌.