رادیۆی دەنگ

 

به‌پێى یاسا و رێنماییه‌كان هه‌ر خاوەنکارێك لەکاتی خۆیدا پارەی دەستەبەری نەدات، زیادەی دەچێتەسەر، به‌ڕێوبه‌رى ده‌سته‌به‌رى كرێكارانی گه‌رمیانیش ده‌ڵێت: ئەو زیادەیە وایکردوە خاوەنکار پابەندتر بکات لە پێدانی دەستەبەری.

 

هێمن جه‌مال، بەرێوبەری به‌ڕێوبه‌رایه‌تى دەستەبەری کۆمەڵایەتی بۆ کرێکارانی گەرمیان، بە رادیۆى ده‌نگی وت: بڕی ئەو غەرامەیەی دەچێتەسەر دەستەبەریی، کاریگەری هەبوە لەسەر پابەندبونی خاوەنکار بەپێدانی دەستەبه‌ریی.

 

دەشڵێت: ئەگەرچی ئەم غەرامەیە کاریگەریی نیە لەسەر ئەو كرێكارانه‌ى دەستەبه‌رییان بۆ نەکراوە، بەڵام بە بڕیارێک چارەسەری ئەم گرفتە کراوە.

 

وتیشى: ئه‌مه‌ش به‌شێوه‌یه‌كه‌ ئەو شوێنه‌ى کرێكارانی دەستەبەرییان نەکردوە، بۆ ئەوەی مافی ئەو ماوەیەی کرێکار نەفەوتێت، رەوانەی دادگای دەکەین و رۆژی دەستبەکاربونەکەی دەکرێت بە بەڵگە بۆ ئەوەی راستەوخۆ بچێتە دادگا.

 

بەپێی یاسا بەرکارەکان، دەبێت هەمو کرێکارێکی کەرتی تایبەت، دەستەبەریی کۆمەڵایەتی "ضمان الاجتماعي" بۆ بکرێت، کە بڕەکەی‌ %17ـی‌ ‌كۆى موچه‌ى كرێكارەکەیە، به‌جۆرێك،‌ ‌ %12ـى ئەو پارەیە خاوه‌ن كار ده‌یدات و‌ %5ـى كرێكار، بۆ نمونه‌ ئه‌گه‌ر كرێكارێك موچه‌كه‌ى 350 هه‌زار بێت، ئه‌وا له‌ %17یه‌ كه‌ وەکو دەستەبەریی لێی وه‌رده‌گیرێت ده‌كاته‌ 59 هه‌زار دینار، له‌و بڕه‌ پاره‌یه‌ كرێكار ته‌نها 17 هه‌زار و 500 دینار ده‌دات ئه‌وه‌كه‌ى دیكه‌ى خاوه‌ن كار ده‌یدات.