رادیۆی دەنگ
سەرلەبەیانی ئەمڕۆ هەریەکە لە عەلی حەمەساڵح- پارلەمانتار و بڕیاردەری رەوتی هەڵوێست، د. غالب محەمەد و د. رێبوار کەریم- پارلەمانتارانی پێشو و کادیرانی هەمان رەوت، لە بارەگای رەوتەکە لە سلێمانی لەلایەن هێزێکی ئەمنییەوە دەستگیرکران.
کاروخ عومەر، کادیری رەوتی هەڵوێست لە گەرمیان، بەرادیۆی دەنگی راگەیاند: بەیانی ئەمڕۆ هێزێکی ئاسایش لە سلێمانی هەڵیکوتاوەتە سەر بارەگای رەوتی هەڵوێست و هەریەک لە عەلی حەمەساڵح و د. غالب محەمەد و د.رێبوار کەریم-ـیان دەستگیر کردوە و بردویانن.
وتیشی: هۆکاری دەستگیرکردنەکەیان تەنها پشتگیریی مامۆستایان و فەرمانبەرانی موچەخوراوی هەرێمە.
دەشڵێت: لەئێستادا هێزێکی ئەمنی زۆر لەدەوری بارەگای رەوتەکەمان لەسلێمانی جێگیرکراون.
ئەم دەستگیرکردنانە دوای ئەوەهات کە مامۆستایان و فەرمانبەرانی ناڕازیی سلێمانی ئەمڕۆ (پێنجشەمە)یان دیارییکردبو بۆ ئەنجامدانی خۆپیشاندان دژ بە خەرجنەکردنی موچەکانیان، بەڵام پارێزگاری سلێمانی و ئاسایشی سلێمانی پێشوەخت و بە پاساوی "نەگونجاویی کاتەکە" مۆڵەت و رێگەیان پێنەدان بۆ ئەنجامدانی خۆپیشاندانەکە و لە دوێنێ و پێرێوە ژمارەیەک مامۆستا و چالاکوان کە دەوترێت رێکخەری خۆپیشاندانەکەن، دەستگیرکردوە.
- دوایین بابەتەکان
-
هەواڵلەبارەی بونی ناوی دوبارەی سومەندبوانی وەرگرتنی زەوی فەرمانبەران شارەوانییەکانی گەرمیان رونکردنەوە دەدات
-
-
هەواڵبۆ پێدانی کارەبای نیشتیمانی گەرمیان کراوە بە ٣ زۆن
-
-
هەواڵهاوڵاتیەک: "بەمەبەست دو مناڵی خاوەنپێداویستیمان لە قوتابخانە دەرنەچێنراون"
-
-
هەواڵبەشێک لە کارمەندانی فەرمانگە ئەمنییەکانی گەرمیان یاسای هەڵگرتنی چەک جێبەجێ ناکەن
-
-
وتارخوێندنەوەیەکی زانستی؛ بۆچی تەرمی گەنجە خنکاوەکەی کەلار سەرئاو ناکەوێت؟
-
زۆرترین بینراوەکان
