رادیۆی دەنگ

 

وتەبێژی بەڕێوبەرایەتی گشتی كشتوكاڵى گه‌رمیان ده‌ڵێت: وه‌ك قه‌ره‌بویه‌ك بۆ ئه‌و جوتیار و خاوه‌ن ئاژه‌ڵانه‌ى كه‌ به‌هۆى وشكه‌ساڵیه‌وه‌ توشى زیان بون، داوامانكردوه‌ نزیكه‌ى 7 ملیار دینارمان بۆ ته‌رخان بكرێت.

 

ستار عه‌لى، بۆ رادیۆى ده‌نگ باسى له‌وه‌كرد: بۆ ئه‌مساڵ گه‌رمیان روبه‌ڕوی ‌ وشكه‌ساڵیی نیمچەیی بوەوه‌، بۆ ئه‌و مه‌به‌سته‌ش له‌گه‌ڵ لایه‌نه‌ په‌یوه‌ندیداره‌كان كۆبونه‌وه‌ى تایبه‌ت به‌ خۆمان كردوه‌ و راپۆرتى تایبه‌ت به‌ خۆمان ئاماده‌ كردوه‌.

 

باسى له‌وه‌شكرد: راپۆرتەکەمان لەگەڵ پێشنیازەکانی خۆمان ئاراستەی وەزارەتمان کردوە، تیایدا داوامانكردوه‌ نزیكه‌ى 7 ملیار دینارمان بۆ ته‌رخان بكرێت بۆ ئه‌وه‌ى بۆ ساڵى داهاتو بنه‌تۆ بۆ جوتیاران و ئالیك بۆ ئاژه‌ڵداران دابین بكه‌ین.

 

جه‌ختى له‌وه‌شكرده‌وه‌: تاوه‌كو ئێستا هیچ وه‌ڵامدانه‌وه‌یه‌ك نه‌بوه‌ له‌ وه‌زاره‌تمانه‌وه‌ به‌هۆى نه‌بونى بودجه‌وه‌ و ئه‌و دۆخه‌ى هه‌رێمی تێدایه‌.