رادیۆی دەنگ

 

لە سەرەتای ئەمساڵەوە بەهۆی نوێنەكردنەوەی گرێبەستی كارمەندانی دارستان و پاوان، دارستانەكانی گەرمیان ئاونەدران و مەترسی لەناوچونیان لەسەربو، بەڕێوبەری دارستان و پاوانی گەرمیانیش دەڵێت:گرێبەستەكانیان  نوێكرایەوە و دوبارە دەستبەكاربونەوە.

 

رەشید بەكر، بەڕێوبەری بەڕێوبەرایەتی دارستان و پاوانی گەرمیان، بە رادیۆی دەنگی وت: دوای ئەوەی لە سەرەتای ئەمساڵەوە بەهۆی نوێنەوكردنەوەی گرێبەستی كارمەندان دارستانەكان بێ ئاودان مابون و بەشێك لە دارەكانیش مەترسی لەناوچونیان لەسەربو، لە ئێستادا كارمەندان گەڕاونەتەوە سەركارەكانیان.

 

وتیشی: ئەنجومەنی وەزیران بڕیاری نوێكردنەوەی گرێبەستەكانی دەركردوە و بڕیارەکەش لە وەزارەتی داراییە، كارمەندانیش نزیكەی ١٠ رۆژە گەڕاونەتەوە سەركارەكانیان و بەوهۆیەشەوە دارستانەکان بوژاونەتەوە.

 

رۆژی 19ـی ئایاری 2025، رادیۆی دەنگ بڵاویکردەوە: لەسەرەتای ئەمساڵەوە تەواوی دارستان و پاوان و نەمامگە و باخداری گەرمیان بێ خزمەت و ئاودانن و کۆمەڵێک داریش بەرەو لەناوچون رۆشتون، ئەمەش بەهۆی تەواوبونی ماوەی گرێبەستی کارمەندان و نوێنەکردنەوەی گرێبەستەکەیان.