رادیۆی ده‌نگ

 

به‌رپرسی لقی گه‌رمیانى یه‌كێتى قوتابیانى كوردستان رایده‌گه‌یه‌نێت رێگه‌ى پێنه‌دراوه‌ به‌ بیانویه‌ك خۆی بۆ سكرتاریه‌تى رێكخراوه‌كه‌یان هه‌ڵبژێرێت، له‌كاتێكدا ده‌نگی یه‌كه‌مى له‌ سنورى كه‌ركوك/ گه‌رمیانی به‌ده‌ستده‌هێنا.

 

رێبەر ئەحمەد شێخلەنگەریی، بەرپرسی لقی گەرمیانی یەکێتی قوتابیانی کوردستان، لە هەژماری خۆی لەفەیسبوک بڵاویکردوەتەوە: بەبیانوی ئەوەی موچەخۆری حکومەتە، لە خۆ هەڵبژاردن بۆ مەکتەبی سکرتاریەتی یەکێتی قوتابیان و لاوانی کوردستان بێبەشکراوە.

 

دەشڵێت: ئەم لەمپەرە لەواقیعدا هیچ بونێکی نەبوە و من موچەخۆر نیم و تەنها بایۆمەتریم کردوە، ئەگەر رێگەی خۆهەڵبژاردنم پێبدرایە یەکەم دەنگم دەهێنا لەسەر بازنەی کەرکوک/ گەرمیان.

 

دوێنێ لە هەولێر کۆنگرەی یەکگرتنی یەکێتی قوتابیان و یەکێتی لاوان بەڕێوەچو کە دو رێکخراوی جەماوەریی سەر بە پارتی دیموکراتی کوردستانن و بون بە یەک رێکخراو بەناوی "رێکخراوی قوتابیان و لاوانی دیموکراتی کوردستان".