رادیۆی دەنگ

 

بەرپرسی مەڵبەندی گەرمیانی یەکێتی لە کاتی دەوامی فەرمییدا سەردانی زانکۆی گەرمیان دەکات و لەهەمان کاتتدا رایدەگەیەنێت قبوڵ ناکەین کەس دەستوەردان لە زانکۆدا بکات.

 

بەپێی راگەیەنراوێکی مەڵبەندی گەرمیانی یەکێتی نیشتمانی کوردستان، سالار مەحمود- بەرپرسی مەڵبەندەکە بە یاوەری ژمارەیەک کادیری مەڵبەندەکە، سەردانی زانکۆی گەرمیانی کردوە و لەگەڵ سەرۆکی زانکۆکە و ژمارەیەک راگر و بەرپرسی زانکۆکەدا کۆبونەتەوە.

 

ئاماژەی بەوەشکردوە: (بەرپرسی مەڵبەند) دەستخۆشی لە سەرۆکی زانکۆ و مامۆستایان و خوێندکاران کرد، لە سەرخستنی ئاستی زانستی زانکۆکە و هەوڵەکانیان بۆ پێشبڕکێ و سەرخستنی رانکی زانکۆ. 

 

سالار مەحمود، هەروەها وتوشیەتی: "خۆمان دەستناخەینە کاروباری زانکۆوە و قبوڵیش ناکەین کەس دەستبخاتە کاروبارتانەوە".