رادیۆی دەنگ

 

وابڕیاربو كامێراى خاڵ بۆ خاڵ (پۆینت تو پۆینت) له‌ رێگای کەلار- كفرى دابنرێت، به‌ڵام تاوه‌كو ئێستا دانه‌نراوه‌، بەڕێوبەرایەتی هاتوچۆى گه‌رمیانیش ده‌ڵێت: هەمو رێکارەکان تەواو بون و چاوه‌ڕوانى ئه‌وه‌ین كۆمپانیا پێداویستیه‌كانى به‌ده‌ست بگات.

 

سامان عه‌لى، وته‌بێژى به‌ڕێوبه‌رایه‌تى هاتوچۆى گه‌رمیان، بۆ رادیۆى ده‌نگ باسى له‌وه‌كرد: هه‌مو رێكاره‌كانى دانانى كامێراى پۆینت تو پۆینت له‌ سه‌ر رێگاى رزگارى بۆ قه‌زاى كفرى ته‌واو بوه‌ و ئه‌وه‌ى ماوه‌ته‌وه‌ هێنانى پێداویستیه‌كانه‌ له‌لایه‌ن كۆمپانیاوه‌ بۆ ئه‌وه‌ى ده‌ست به‌ دانانى بكرێت.

 

وتیشى: ئه‌و رێگه‌ له‌ به‌رزه‌ پرده‌كه‌وه‌ تاوه‌كو قه‌زاى كفرى 42 كلیۆمه‌تره‌ و بۆ هه‌ر 5 كیلۆ مه‌ترێكیش كامێرایه‌ك جێگیر ده‌كرێت، واته‌ به‌ هه‌ردو سایده‌كه‌وه‌ 18 كامێرا جێگیر ده‌كرێت.