رادیۆی دەنگ

 

دواى ئه‌وه‌ى بە هاوکاری خێرخوازان به‌شى پشكنینى پێشوه‌خته‌ى نه‌خۆشییەکانی‌ گرێ و شێرپه‌نجه‌ى مه‌مك له‌ نەخۆشخانەی گشتی كفرى كرایه‌وه‌، به‌ڵام كاره‌كانى وه‌كپێویست نیه‌، به‌رێوبه‌رى نه‌خۆشخانه‌کە ده‌ڵێت: دوای بەشدارییکردنه ستافه‌كه‌ى لە راهێنانێك، ده‌ست به‌كارده‌کەنەوە.

 

سامان سه‌رتیپ، به‌ڕێوبه‌رى نه‌خۆشخانەى گشتی شه‌هید خالد گه‌رمیانى له‌ قه‌زاى كفرى، بۆ رادیۆى ده‌نگ وتى: كاره‌كانى به‌شى پشكنینى پێشوه‌خته‌ى نه‌خۆشییەکانی گرێ و شێرپه‌نجه‌ى مه‌مك وه‌كپێویست نیه‌ له‌ ئێستادا و به‌ كه‌مى كارمان كردوه‌.

 

ده‌شڵێت: هۆكاره‌كه‌ى ئه‌وه‌یه‌ ستافه‌كه‌ى 3 كەسن کە بڕیارە هەتا ناوەڕاستی مانگی داهاتو بەشداریی لە ‌راهێنانێكى تایبه‌ت به‌و به‌شه‌ بکەن و کە گه‌ڕانه‌وه‌ كاره‌كان به‌ چڕى ده‌ست پێده‌كات.

 

جه‌ختى له‌وه‌شكرده‌وه‌: تاوه‌كو ستافه‌كه‌ى ده‌گه‌ڕێته‌وه‌كاره‌كانى ئه‌و به‌شه‌ راده‌گیرێت.

 

ئه‌مه‌ له‌كاتێكدایه‌، بەشەکە بە بڕی ١٢٥ ملیۆن دینار لەسەر بودجەی بەڕێوبەرایەتی گشتی تەندروستی گەرمیان کەرەستە و ئامێرەکانی کڕدراوە کە بریتین لە ئامێری مامۆگرافی و سۆنەر و پاشکۆکانیان و روپۆشی قوڕقوشم، هاوکات لەسەر ئەرکی خێرخواز دو ژور بۆبەشەکە بە بڕی ٤ هەزار دۆلار دروستکراوە.