رادیۆی ده‌نگ

 

دوای 28 رۆژ لە دەستگیرکردنی، ئەمڕۆ رۆژنامەنوس بەشدار بازیانی ئازادکرا.

 

ناوبراو کە بەڕێوبەری دەزگای میدیایی "میدیا21"ـە، لە 28ـى شوباتی 2025 لەگەڵ 3 هاوکاری دیکەیدا لەلایەن ئاسایشەوە دەستگیرکران و دوای رۆژێک هاوکارەکانی ئازاد کران و ئەو ئەمرۆ (27ـى ئادارى 2025) ئازادکرا.

 

بەشدار بازیانی روبەڕوی چەند تۆمەتێک کرایەوە لەوانە ناوزڕاندن، بەڵام تۆمەتەکان بەئێستاشەوە رون نیین.

 

لە کۆنگرەیەکی رۆژنامه‌وانییدا ئه‌مڕۆ دواى ئازادكردنى به‌ یاوه‌رى سه‌رۆكى سه‌نته‌رى میترۆ بۆ داكۆكی له‌ ئازادی رۆژنامه‌نوسان و سه‌رۆكى لقی سلێمانى سه‌ندیكاى رۆژنامه‌نوسانى كوردستان، باسی له‌وه‌كرد كه‌ نه‌یانویستوه‌ له‌ میانه‌ى كاره‌كانیاندا زیان به‌ كه‌س بگه‌ینن و به‌بێ مه‌به‌ست كاریان كردوه‌، هه‌روه‌ك داواى لێبوردنیشی له‌و كه‌سانه‌ كرد كه‌ به‌ كاره‌كانیان زیانیان پێگه‌یشتوه‌.