رادیۆی دەنگ

 

وتەبێژی بەڕێوبەرایەتی ئاوی دەوروبەی گەرمیان دەڵێت: کارکردن لە قۆناغی یەکەمی پاڵاوگەی ئاوی باوەنور بەردەوامە و ٨۰٪ـی کارەکانی تەواوبوە.

 

پڕۆژەی پاڵاوگەی ئاوی ناحیەی باوەنورـی سەر بە کەلار، بە دو قۆناغ جێبەجێ دەکرێت و بودجەی تەرخانکراو بۆ کارەکانی لە قۆناغی یەکەمدا بریتییە لە یەک ملیارێک و ١٣٣ ملیۆن دینار.

 

سالار عەزیز، وتەبێژی بەڕێوبەرایەتی ئاوی دەوروبەری گەرمیان، بۆ رادیۆی دەنگ ئاشکرای کرد ئەگەرچی لەئێستادا کارکردن بەردەوامە لە قۆناغی یەکەمی پڕۆژەکەدا، بەڵام بە سستی دەڕوات، چونکە وەکخۆی وتی: دواکەوتوین و ئەو پێداویستیانەشی بۆ پاڵاوگەکە دەمانەوێت کاتی دەوێت تا بەدەستمان دەگات.

 

دەشڵێت: زۆربەی کارەکانی قۆناغی یەکەمی پرۆژەکە تەواوبوە کە خۆی دەبینێتەوە لە ٨٠٪.