رادیۆی دەنگ

 

فرۆشیارێکی سەوزە و میوە لە کەلار جەخت دەکاتەوە لە بەرزبونەوەی نرخی تەماتە و دەڵێت: بەهۆی بارانبارینەوەیە.

 

مەحمود محەمەد، فرۆشیارێکی سەوزە و میوە لە عەلوەی کەلار، بۆ رادیۆی دەنگ وتی: لەئێستادا تەماتە لە بەسڕەوە دێتە گەرمیان، چەند رۆژێکە باری کەم دێت، ئەوەش بەهۆی بارانبارینەوە بوە.

 

وتیشی: پێش چەند رۆژێک نرخی کیلۆیەک تەماتە ۳٥۰ بۆ ٤۰۰ دینار بو، بەڵام لەئێستادا نرخی کیلۆیەک تەماتە ۷۰۰ دینارە، داواکاریشی زۆر لەسەرە، هەرشتێکیش داواکاری لەسەر زۆر بو نرخیشی بەرز دەبێتەوە.

 

باسی لەوەشکرد: تەماتەی ئێرانی ناتوانرێت بهێنرێتە هەرێمی کوردستان، چونکە سەرف نابێت بەهۆی ئەوەی گومرگی زۆرە، تەماتەی لای خۆشمان ناوەڕاستی مانگی پێنج دێتە بەرهەم.