رادیۆی دەنگ

 

سەنتەری میترۆ دەڵێت: رۆژنامەنوسێکی تری دەزگای (میدیا ٢١) دەستگیر کراوەتەوە و  هەندێک وردەكاری هەن نامانەوێت لای ئێمەوە بڵاوبكرێنەوە.

 

سەنتەرەکە لە راگەیەنراوێکدا دەڵێت: دوای ئەوەی ٤ رۆژنامەنوسی (میدیا ٢١) دەستگیرکران، سیانیان ئازاد کرا و تەنها رۆژنامەنوس: بەشدار بازیانی لە زیندان هێڵرایەوە و دواتر رۆژنامەنوسێکی دیکەیان کە (دانا ساڵح)ـە بانگهێشت کراوەتەوە و دەستگیرکراوەتەوە.

 

دەشڵێت: "میترۆ لە رۆژی دەستگیركردنیانەوە لە سۆراغی ئەم كەیسەدا بوە، لە پەرەسەندنەكانی ئاگادارە، هەندێک وردەكاری هەن نامانەوێت لای ئێمەوە بڵاوبكرێنەوە، ئەمە لە چوارچێوەی دەسەڵاتی لایەنی لێكۆڵەر و دادگایە".

 

(میدیا ٢١) ماوەی چەند هەفتەیەکە دامەزراوە و وەک لە ناساندنەکەیدا هاتوە "پێگەیەکی تایبەتە بە رۆژنامەوانی بنکۆڵکاریی و راپرسی و میدیای مەلەف و ئاشکراکردنی نهێنییەکان"ـە.