رادیۆی دەنگ

 

مامۆستایەکی ناڕازیی لەگەرمیان دەڵێت: تائێستا لە گەرمیان هیچ فشار و هەڕەشەیەک نیە بەمەبەستی گەڕانەوەی مامۆستایان بۆ هۆڵەکانی خوێندن و ئەگەر هەشبێ هیچ مامۆستایەک ناچێتە ژێرباری ئەو هەڕەشەیە.

 

بەپێی وتەی مامۆستایانی ناڕازیی شار و شارۆچکەکان لە پارێزگای سلێمانی، هەڕەشە کراوە کە مامۆستایان بگەڕێنەوە هۆڵەکانی خوێندن، بەڵام هیچ مامۆستایەک رازی نەبوە بگەڕێتەوە و سورن لەسەر بەردەوامیدان بە بایکۆت.

 

لایخۆشییەوە. نەبەرد ئەحمەد، ئەندامی ئەنجومەنی مامۆستایانی ناڕازیی لەگەرمیان، بە رادیۆی دەنگی وت: بایکۆت تائێستا بەردەوامی هەیە و تائێستاش هیچ فشار و هەڕەشەیەک نەکراوەتەسەر مامۆستایانی سنورەکە بەمەبەستی گەڕاندنەوەیان بۆ هۆڵەکانی خوێندن.

 

دەشڵێت: بەڵام بەپێی ئاگاداربونمان لە سلێمانی و شارەزور فشار کراوە لەمامۆستایان بگەڕێنەوە، بەڵام رەزامەندنەبون، بەمپێیەش مامۆستایانی گەرمیانیش لەبونی حاڵەتێکی وا هەرگیز رەزامەند نابن.

 

باسی لەوەشکرد: دواکەوتنی موچە وا لەمامۆستایان دەکات سورتربن لەسەر بەردەوامیدان بە بایکۆت.