رادیۆی ده‌نگ
له نه‌خۆشخانه‌ى ژنان و مناڵبونى كه‌لار ژنێك له‌كاتى نه‌شته‌رگه‌رییدا گیانى له‌ده‌ستدا، ئیداره‌ى نه‌خۆشخانه‌كه‌ش ده‌ڵێت: ژنه‌كه له ده‌ره‌وه و له‌لای مامان كورتاجی كردوه و توشى خوێنبه‌ربون بوه.
به‌پێی زانیارییه‌كانى رادیۆی ده‌نگ، دره‌نگانى شه‌وى رابردو ژنێك داخل به نه‌خۆشخانه‌ى شه‌هید شێره‌ى نه‌قیب بۆ ژنان و مناڵبون له كه‌لار كراوه و نه‌شته‌رگه‌ریی بۆ كراوه، پاشان له به‌ره‌به‌یاندا گیانى له‌ده‌ستداوه.
ئیداره‌ى نه‌خۆشخانه‌ى شه‌هید شێره‌ى نه‌قیب بۆ ژنان و مناڵبون له كه‌لار له راگه‌یه‌نراوێكدا له‌باره‌ى هۆكارى روداوه‌كه‌وه ده‌ڵێت: به‌پێی لێكۆڵینه‌وه‌ى سه‌ره‌تایی ئه‌و ژنه كۆرپه‌له‌كه‌ى سكی ناته‌واو بوه له روى جه‌سته‌ییه‌وه، به‌ڵام له‌بری ئه‌وه‌ى رێگاى زانستی بگرێته‌به‌ر، چوه‌ته لای مامانێك له ناحیه‌ى جه‌له‌ولا و ئه‌و كۆرپه‌له‌كه‌ى بۆ ده‌رهێناوه و ئه‌مه‌ش بوه‌ته هۆی برینداربون و ته‌قینی مناڵدانى و خوێنبه‌ربونى ناوه‌كى.
دواى بڵاوبونه‌وه‌ى ئه‌م هه‌واڵه، قسه‌ى ئه‌وه له تۆڕه كۆمه‌ڵایه‌تییه‌كاندا كرا كه به‌هۆی كه‌مته‌رخه‌می و نه‌بونى خوێنه‌وه ئه‌و ژنه گیانى له‌ده‌ستداوه، له‌وباره‌وه نه‌خۆشخانه‌كه ده‌ڵێت: ژنه‌كه پاش گه‌یاندنى به‌نه‌خۆشخانه‌كه ده‌ستبه‌جێ له‌لایه‌ن تیمێكى پزیشكیی 8 كه‌سیی به‌یاوه‌رى چه‌ندین كارمه‌ندى ته‌ندروستى كارى پێویستی بۆ ئه‌نجامدرا و نه‌شته‌رگه‌ریی بۆ كراوه، به‌ڵام به‌هۆی ئه‌وه‌ى حاڵه‌ته‌كه‌ى سه‌خت بوه و دره‌نگ گه‌یه‌نراوه‌ته نه‌خۆشخانه، له‌كاتى نه‌شته‌رگه‌رییدا گیانى سپارد.
له‌باره‌ى ده‌نگۆی نه‌بونى خوێنشه‌وه، ده‌ڵێت: "هه‌مو ئه‌و قسانه دوره له راستییه‌وه، چونكه 10 بوتڵ خوێنى بۆ دابینكراوه وتێیكراوه له‌گه‌ڵ 2 بوتڵ پلازما، هاوكات بوتڵی دیكه‌ى خوێنیشی بۆ ئاماده‌كراوه".
- دوایین بابەتەکان
-
هەواڵرێژهیهكی مه‌ترسیدار.. رۆژانه له كه‌لار 20 هه‌زار مه‌تر سێجا ئاو به‌فیڕۆ ده‌درێت
-
-
هەواڵدواى بڕیاره‌كه‌ى قایمقامیه‌ت هێشتا فه‌رمانى پێكهێنانى هێڵی گواستنه‌وه‌ی پرۆژه نوێیه‌كانى كه‌لار ده‌رنه‌چوه
-
-
هەواڵبەڕێوبەری یەکێک لە دێرینترین ئامادەییەکانی کەلار دەستلەکاردەکێشێتەوە
-
-
وتار"وانەیەک لەناو ئاگر و دوکەڵدا"... با ئەم وانەیەش لە هەڵەبجەیەکانەوە فێربین
-
-
هەواڵمامۆستایانى ناڕازیی: حكومه‌تى هه‌رێم موچه‌ى به بارمته گرتوه و حكومه‌تى عێراقیش باجی حكومه‌تى هه‌رێم به فه‌رمانبه‌ران ده‌دات
-
زۆرترین بینراوەکان
