دەنگ نێت

 

دوای ئەوەی ساڵانی رابردو لەقەزای کفری کۆچ و بارێکی زۆر هەبو لەلایەن هاوڵاتیانەوە، سەرۆکی رێکخراوی پاڵپشتی شارەکە دەڵێت: دیاردەکە کەمیکردوە و هەندێکیشیان دەگەڕێنەوە.

 

عوسمان قەتارچی، سەرۆکی رێکخراوی پاڵپشتی شاری کفری بۆ رادیۆی دەنگ جەختی لەوەکردەوە: لە ساڵانی رابردودا کۆچکردنی گەنجان و بارکردنی هاوڵاتیان لە قەزاکە رێژەکەی زۆر بو، بەهۆی نەبونی خزمەتگوزاری و هەلی کار بۆ گەنجان.

 

وتیشی: بەڵام بەراورد بەساڵانی رابردو دیاردەکە کەمیکردوە.

 

باسی لەوەشکرد هاوکات بەشێک لەهاوڵاتیانیش کەپێشتر کۆچیانکردوە لە شارەکە، دەگەڕێنەوە، چونکە بەوتەی خۆی "تاڕادەیەک هەلی کار و خزمەتگوزاری شارەکەی بوژاندوەتەوە".