دەنگ نێت

 

شاره‌وانى كه‌لار هاوشێوه‌ى كۆكردنه‌وه‌ى خوڵ و خاشاك، خزمه‌تكردن و به‌ڕێوه‌بردن و چاكسازیكردنى باخچه‌كانى سنوره‌كه‌ دەداتە ‌ كۆمپانیا، به‌ڕێوبه‌رى به‌شى باخچه‌كانیش ده‌ڵێت: ئامانجمان لەم کارە رێکخستنەوەی بوارەکە و زیاتركردنى رێژه‌ى سه‌وزاییه‌.

 

ئارام نه‌جمه‌دین، به‌ڕێوبه‌رى به‌شى باخچه‌كان له‌ شاره‌وانى كه‌لار بۆ رادیۆى ده‌نگ باسى له‌وه‌كرد: شاره‌وانى كه‌لار له‌ ئێستا كار له‌سه‌ر ئه‌وه‌ ده‌كات به‌ڕێوه‌بردن و خزمه‌تكردن و چاكسازیكردن له‌ باخچه‌كان بدات به‌ كۆمپانیا به‌ ئامانجى ئه‌وه‌ى كه‌ ناوچه‌كه‌ زیاتر سه‌وزبكرێت.

 

وتیشى: هۆكارى ئه‌مه‌ش بۆ ئه‌وه‌ ده‌گه‌ڕێته‌وه‌ كه‌ ئێمه‌ له‌ روى ده‌ستى كار و ئامێر و پێداویستیه‌وه‌ کەموکورتیمان هەیە، ئەمەش وایكرد هه‌نگاو بۆ ئه‌و بابەتە‌ بنێین، چونكه‌ هه‌ندێك کەموکورتی هەبو پێی رانەدەگەیشتین، کە بدرێت بە کۆمپانیا باشتر ده‌توانێت بیكات.

 

ده‌شڵێت: له‌ هه‌مانكاتدا ده‌توانین ئه‌و گه‌ڕه‌كانه‌ى كه‌لار كه‌ جێگه‌ى سه‌وزاییه‌و و تاوه‌كو ئێستا نه‌مانتوانیوه‌ سه‌وزى بكه‌ین، لە رێگەی ئەم پرۆژەیەوە سەوزی بکەین.