دەنگ نێت

 

دواى بڵاوبونەوەی هەواڵی‌ ده‌ست به‌سه‌راگرتنی ئۆتۆمبێلى بێسەرەتا، وته‌بێژى بەڕێوبەرایەتی هاتوچۆى گه‌رمیان ده‌ڵێت: فه‌رمانی له‌وشێوه‌یه‌مان بۆ نه‌هاتوه، بەڵام نازانین بۆ جێگەی دیکە هاتبێت.

 

سامان عه‌لى، وته‌بێژى به‌ڕێوبه‌رایه‌تى هاتوچۆى گه‌رمیان، بۆ رادیۆى ده‌نگ وتى: تاوه‌كو ئێستا هیچ فه‌رمانێكى ره‌سمیمان بۆ نه‌هاتوه‌ بۆ ده‌ست به‌سه‌رداگرتنى ئۆتۆمبێلى بێسه‌رەتا به‌تایبه‌ت ئەو ئۆتۆمبیلانەی کە بە "مه‌لیكه‌ و شاهینە" ناسراوە.

 

وتیشى: به‌ڵام وه‌ك به‌رێوبه‌رایه‌تى پۆلیس و ئاسایش هیچ زانیاریمان نیه‌ فه‌رمان بۆ ئه‌وان هاتبێت و كارى له‌سه‌ر بكه‌ن.

 

لەچەند رۆژی رابردودا بەڕێوەبەرایەتیی هاتوچۆی هەولێر چەند بڕیارێکی دەرکرد یەکێک لەوانە قەدەغەکردنی بەکارهێنانی ئۆتۆمبێلی بێسەرەتایە لە سەرجەم شەقامەکانی شارەکە.