دەنگ نێت

 

لەسەر مردنی هاوڵاتییەک، کەسێک لەکەلار دەستگیرکرا، پۆلیس دەڵێت کۆچکردوەکە پێش گیان لەدەستدانی، لەگەڵ کەسێکدا لە مزگەوت دەمەقاڵەی هەبوە.

 

عەلی جەمال قەدوری، وتەبێژی پۆلیسی گەرمیان، بە رادیۆی دەنگی راگەیاند: کەسێک کە بەخۆبەخشی قامەتی کردوە لە مزگەوتی محەمەد مستەفا لە گەڕەکی شێروانەی قەزای کەلار، پاش نوێژ کردن لەگەڵ هاوڕێیەکی دەنگە دەنگیان دەبێت لەسەر بابەتی قامەتکردن.

 

وتیشی: کەسەکە بێتاقەت بوە، کە هاتوەتە ماڵەوە جەڵدەی دڵ لێی داوە و گیانی لەدەستداوە.

 

دەشڵێت: ئەو کەسەی کە دەنگە دەنگی هەبوە لەگەڵ کەسە کۆچکردوەکە، بەپێی ماددەی ٤۱۱ لە یاسای سزادانی عێراقی دەستگیر کرا و دواتر بە کەفالەت ئازاد کرا.

 

ئەو کەسەی گیانی لەدەستداوە، ناوی ئەحمەدە، بەخۆبەخشی کاری بانگبێژی کردوە لە مزگەوتی محەمەد مستەفا لە گەڕەکی شێروانەی قەزای کەلار.