دەنگ نێت

 

بەڕێوبەری بەڕێوبەرایەتی ئاوه‌دانكردنه‌وه‌ى گه‌رمیان ده‌ڵێت: ئه‌و ١٤٤ یه‌كه‌ نیشته‌جێبونه‌ى له‌ كه‌لار كه‌ بۆ كه‌مده‌رامه‌تان و كرێنشینیان دروستكرا‌ و به‌هۆى قه‌یرانى داراییه‌وه‌ کارەکانی راگیرابو، ده‌ست به‌كاركردن تێیدا کرایەوە.

 

پشتیوان عه‌بدوڵڵا، بۆ رادیۆى ده‌نگ باسى له‌وه‌كرد: له‌ قه‌زاى كه‌لار ٢ پرۆژه‌ى ١٤٤ یه‌كه‌ى نشته‌جێبونمان هه‌یه‌ لە جۆری شوقە كه‌ بۆ كه‌مده‌رامه‌تان و كرێنشینانه‌ و به‌هۆى قه‌یرانى دارییه‌وه‌ كاره‌كانیان راگیرابو، له‌ ئێستادا كار له‌سه‌ر ١٤٤ یه‌كه‌یان ده‌كه‌ین.

 

رونیشیکردەوە: كۆمپانیای جێبەجێکاری ئەو پرۆژەیە بانگكراوه‌ بۆ ئه‌وه‌ى ته‌واوی بكات و بۆ ماوه‌ى هه‌فته‌یه‌كه‌ ده‌ستى به‌كاركردن كردوه‌ته‌وه‌ تێیدا.

 

وتیشى: ئه‌و پرۆژه‌یه‌ ٨٥٪ـی كاره‌كانى ته‌واوبوه‌، ئه‌وه‌ى ماوه‌ته‌وه‌ بڕگە‌ خزمه‌تگوزارییه‌كانیه‌تى، چونكه‌ وه‌ك دروستکردنی بینا‌ کارەکانی ته‌واو بوه‌.