دەنگ نێت

 

تاوه‌كو ئێستا له‌ ده‌رمانخانه‌كانى گه‌رمیان ده‌رزى تێكه‌ڵه‌ به‌كارده‌هێنرێت بۆ نه‌خۆش له‌ كاتێكدا به‌پێى رێنماییه‌كانى وه‌زاره‌تى ته‌ندروستى قه‌ده‌غه‌یه‌، به‌ڕێوبه‌رى گشتى ته‌ندروستى گه‌میانیش ده‌ڵێت: هه‌ر هاوڵاتیه‌ك ئه‌و ده‌رزیه‌ى بۆ به‌كارهێنرا ده‌توانێت سكاڵا تۆماربكات بۆ ئه‌وه‌ى ئیجارائات بكه‌ین.

 

د. سیروان محه‌مه‌د، به‌ڕێوبه‌رى گشتى ته‌ندروستى گه‌رمیان، بۆ رادیۆى ده‌نگ باسى له‌وه‌كرد: ئەو‌ ده‌رمانخانانه‌ى كه‌ مۆڵەتیان هه‌یه‌ و فه‌رمین، ئه‌وه‌ چاودێریان ده‌كه‌ین و ئێمه‌ سه‌رپه‌رشتیان ده‌كه‌ین، به‌ڵام ئه‌و ده‌رمانخانانه‌ى كه‌ مۆڵه‌تی وه‌زاره‌تیان نیه‌ له‌گه‌ڵ سه‌ندیكاى ده‌رمانسازان ئه‌وه‌ به‌ شوێنێكى نایاسایی له‌ قه‌ڵه‌ممان داون و مامه‌ڵه‌یان له‌گه‌ڵ ناكه‌ین.

 

ده‌شڵێت: هه‌ رهاوڵاتیه‌ك له‌ هه‌ر ده‌رمانخانه‌یه‌كى یاسایی یان نا یاسایی ده‌رزى تێكه‌ڵه‌یان بۆ به‌كارهێنرا، ده‌توانن سه‌ردان بكه‌ن و سكاڵا تۆماربكه‌ن، ئه‌وكات ئێم هه‌م شوێنه‌كه‌ داده‌خه‌ین هه‌م ئیجارائاتیش ده‌كه‌ین.

 

جه‌ختى له‌وه‌شكرده‌وه‌: ئه‌و فه‌رمانه‌ى وه‌زاره‌تى ته‌ندروستى كه‌ بۆ قه‌ده‌غه‌كردنى ده‌رزى تێكه‌ڵه‌ ده‌رچوه،‌ تاوه‌كو ئێستا كارى پێده‌كرێت.

 

دەرزی "تێکەڵە"، بریتییە لە تێکەڵکردنی ھەردو ئەمپوڵی دەرمانی 'ڤۆڵتارین و دیکادرۆن' لە یەک شرینقە 'سرنج' دا و بۆ چارەسەری زۆر نەخۆشی بەتایبەتی هەڵامەت و هەوکردن و گەشەنگبونی ماسولکەکان بەکاردێت.